【港人在加之日常 - 網購奇遇記（下）】 拆埋第二大盒，竟然又係兩組手掣！換句話講，我買咗兩套，但係實際收到四套手掣！我當時諗... 唔係咁大鑊呀嘛！？ 即刻上網 login GameStop 個帳戶，check 單據，confirm 咗的確只係買咗兩套。再睇埋外盒嘅地址，原來所有嘢都係 send 畀我無誤，唔係送錯貨，證明我冇發雞盲訂咗四套～！ 於是我 email 客服，將件事解釋清楚，特別係提到「你哋包裝咁有創意，兩套疊埋一齊送，真係好搞笑！」然後……GameStop 完全冇回覆，唔知係咪有人搞錯咗怕孭鑊，所以冇回覆。 結果，呢個「訂二送四」嘅大優惠，變成咗我嘅聖誕小奇蹟。最後多出嚟嘅兩套手掣，我分別送咗畀兩位好鍾意玩 retro games 嘅朋友，反而本用嚟送畀養病中嘅朋友嗰套仲未交到手，希望今個星期可以去探下佢，幫佢解悶！ 順帶一提，寫呢個 post 嘅時候再上網 check 吓，原來個優惠已經完咗，個價錢已經變返原本嘅$199蚊，即係話我用$100蚊就買咗價值$800蚊嘅嘢 🙈🙉🙊 多倫多 多倫多 多倫多