ADHD Threads 藥break之後返學， 好似要重新適應，胃口都係差左啲， 但無初初咁不適。 同朋友傾開，佢地有啲教畫班嘅見過有同學食左藥之係個人由活潑變到好靜，上堂坐唔定變成靜靜畫畫，個人真係呆左咁。 另外我做家長義工都察覺到班上另一同學都開始食藥，明顯胃口差左，個人好似「呆左」。 但我小朋友無呢個藥後「發呆」嘅問題， 都係好活潑好主動，仍然好多嘢講，但係由自說自話變咗同你溝通，同埋對世事好奇左。 我有時諗，會唔會部份食咗藥後睇落「呆咗」嘅小朋友，其實佢地本質係好靜好chill嘅人黎，只係ADHD症狀令佢地控制唔到咁去活躍🤔 班上呢個同學食藥前好多時見佢都不受控咁郁嚟郁去， 對外界嘅事佢都無乜反應， 如果慢慢咁同佢傾偈就發覺佢其實好靜， 講嘢好細聲嘅人嚟。 今日見其他同學整爛佢枱面啲嘢， 佢少有地反駁同埋向我講， 呢個我覺得係進步黎。 我同10個人講我小朋友要食adhd藥， 10個都係負面，覺得係懵仔藥，最好唔好食， 但係我真係感受到個藥對佢有好處。