我的極品阿嫂(二) 承接上一個po嘅對話，對話係我嫂入門前一年： 🙍🏻‍♀️：你而家自己搬出去住咪洗多咗錢囉？ 🗣️：ok啦！多有多洗，少有少洗啫！ 🙍🏻‍♀️：咁你有冇錢㗎？ 🗣️：有，唔係點交租食飯！ 🙍🏻‍♀️：唔係呀，我意思係第時你父母有咩事，你有冇錢出呀？ 真係多L謝呀！我仲以為我嫂做乜咁關心我驚我冇錢洗，原來係驚我父母第時有事時我會冇錢出返份，你門都未L入，就咁關心呢D嘢真係唔知講咩好，我搬咗出去都仲有keep住每個月俾家用我老豆㗎，仲個個星期買嘢食返去同佢哋兩老食添，係你之前喺我屋企住咗成十年，錢又冇出過，家務又冇做過，仲要衫都係我老豆幫你洗同晾嘅，自你申請到公屋後除咗過時過節食飯就冇見你出現過，估唔到原來你咁關心我屋企嘅，真係受寵若驚呀🙃