搵工日記： 今日去第二個interview，去咗平時搵工都會避開嘅觀塘區（擔心peak hours 塞車會好嚴重），但呢份工確實幾吸引，所以就照去試下。 一去到waiting room，目測15人以上，原本想細數，但比人安排咗坐最前嘅位，睇唔到後面嘅人。隔咗陣，負責登記嘅姐姐同大家講因為overrun等好勁，所以大家要再等等。 等得有啲無聊，所以我忍唔住望下隔離，竟然發現有兩個坐我附近嘅人都着波鞋，但衣着都係formal嘅。又見我隔離位個男仔拎咗電話出嚟，我見佢備忘錄度打咗好多段英文，估計係常見面試問題嘅答案。再隔多陣就聽到後面有人發出啲好細嘅聲音，估計係練習緊。個下即刻變得有啲緊張🥲 每次interview都會有個疑惑，究竟佢最後問「咁你有冇問題要問我哋？」個陣，我都諗係咪真係要問。我有時都會想問多少少工作內容，但又驚人哋覺得「都唔一定請你，問到咁仔細！」，所以最後通常都冇問。