最近睇到好多關於世界首富命盤嘅討論文，我冇特別深入探討呢啲公開嘅名人盤，除非呢個名人坐咗喺我面前啦 🤣（因為一個盤唔等於一個人嘅成就，重同佢內心選擇咗啲乜嘢係息息相關） 不過興致起，又試吓用我哋嘅角度講吓命盤呢樣嘢。命盤就好比一張人生嘅寶藏圖，對於一啲感到迷失或者覺得自己嘅生活走咗入死胡同嘅人嚟講，命盤係一個可以引導你走出困境嘅工具。 我理解好多喺華人社會中長大嘅人，可能會成日聽到「你有邊度做得唔夠好，要去改」，呢種教育方式令我哋忽視咗自己嘅優勢同特質。長大後，我哋可能會選擇喺自己唔擅長嘅領域發展，感覺人生好似一直努力但係無法發揮自己咁樣。呢個時候，命盤就會係揭示我哋內在特質同潛能嘅鑰匙，幫助我哋理解自己過往嘅選擇點樣塑造咗現在嘅人生局面（呢啲喺個盤度唔會睇到，係要配合埋命理師點樣帶到當時人去覺知自己內心嘅能力），有咗地圖就可以幫自己設定清晰嘅目標同一步步實現自己嘅理想人生。 如果你想搵個幫你趨吉避凶嘅師傅，Sorry我哋幫你唔到🙏🏻 但係我哋會引渡你了解自己嘅內心同思維模式，去行番條屬於自己嘅路，過上更滿足、更有成就感嘅生活。 ☀️ 命盤