［打模手法對鞋墊功能有決定性影響🔎］當雙腳站立受力嘅時候時，長期處於足弓下陷嘅狀態會令腳形「習慣咗」咁樣，即使雙腳凌空時都會有所偏歪（所謂嘅前足內翻或後足內翻）。情況就好似寒背得耐嘅人，最放鬆自然嘅狀態就係「寒背」。如果根據呢個形態套模製作鞋墊，就只會一直保持住呢種「寒背」嘅狀態，對關節改善可以講係完全無幫助！ 要成功製作出一對有改善關節角度功效嘅鞋墊，必定要喺未受力嘅狀態，以手法還原足弓套取足模，咁腳模放返喺平面時後足先會維持置中（圖右下），否則仍會處於外翻狀態（圖左下）。 所以，即使同係訂造鞋墊，有無還原足弓形態，甚至離譜到套取緊足部受力偏歪嘅形態（腳掂地咁踩模），都會令鞋墊功能相差甚遠。打模手法嘅分別，就係點解好多人著過其他鞋墊都無效果，但係著我嗰對就醫得好痛症嘅原因。