我又嚟曬下喇～ 頭先同男友去食茶記 我見加$45有白灼蝦即時雙眼發光 因為好耐冇食 本身🐵話，食白灼蝦好論盡 不如嗌其他嘢 不過我話我識剝蝦，俾我嗌啦 咁佢都就範～ 碟蝦一到，佢默默去搵廁所 點知廁所要隔離商場先有 為嘅就係，佢驚佢隻手唔乾淨 會整到我肚痛 搞左輪乜餸都上齊 佢堅持剝蝦俾我食 我想出手，佢就話⋯⋯ 「咁咪會整污糟你隻手囉，唔好郁」 跟住剝到靚仔嘅蝦就留俾我 佢自己就食啲無咁靚仔嘅  可能有人會覺得 男友應該要咁做啦 但我覺得，親生父母都未必會咁做 何況一個「外人」 佢肯做，我已經好撚感動 小小嘅事，加加埋埋 就唔小嘢啦～ 日常小感動