Artıq öyrəndiyi bir şey var idi. Xoşbəxtsənsə, xoşbəxtliyi sorğulama. Çünki sən onu sorğulamağa başladığın anda eşq bitər. “Niyə”, “necə” və “hardadır” sualları silahın qəlpəsitək beynini deşər. Necə ki, Jalə artıq sorğulamağa başlamışdı. Sorğulamaq bir son deməkdir. İnsan öz dinini sorğulayar. Sorğuladığı üçün dindən çıxmaz, çıxmaq istədiyi üçün sorğulamağa başlayar. Həyatını sorğulayar, yeni bir səhifədən başlaya bilmək üçün.