想記錄一下喺英國第一次做cat sitter嘅經歷，嚟到英國第一間share House，就幸運地同貓一齊生活，細個喺香港其實有啲驚貓，因為細個曾經被貓抓傷。 但係英國嘅貓，好似全部都好親民，至少阿叔喺街見到嘅貓，大部份都唔驚人，而且仲會嗲下你。 直到而家自己做埋貓奴，更加深信，我可以努力做好呢份工，其實上咗架係APP都一段時間，一直都冇人問津，當波仔以為會直到永遠，呢個時候竟然有人問除夕呢段時間可唔可以幫手 阿叔一條友，又冇嘢做，咁梗係GOGOGO啦~~ 約咗一日交收鎖匙，第一次見面就已經見到小黑貓，一隻十三、四歲的黑貓，竟然每日食至少三包濕糧，而且仲好鐘意玩。 其實工作唔太辛苦，都係清潔貓砂盆、俾返啲新嘅濕糧，同埋換一換啲清水，跟住我都會同佢玩一陣，唔知點解，每次見完動物個人都好似放鬆咗好多，講真都幾想keep住有！！ 到最後一日，叔叔真係有啲失落。 希望快啲可以見到下一位主子😢 英國毛孩