一直好強調，19年社會運動，其實唔少決定係情緒化。 舉個簡單例子，聽過人話6月9日俾佢既感覺係「原來仲有一班人肯傻，咁咪跟住一齊傻囉」。 呢種情緒化，有佢既副作用，有佢既代價，但唔應該判斷為一件壞事。 明白咗呢件事之後，對「踩港與否」既種種爭論會有一種新既角度。 點先算「踩港」係唔可能、唔應該有客觀標準的，因為件事重點不在於幾時先可以批評香港，而係呢種條件反射背後既成因。 大家都身處喺情緒化之後既適應期，只不過大家適應方法、速度唔同。過分用邏輯分析呢件事，某程度上都只不過係另一種適應方法。