呢排睇咗一啲影片， 發現自己一直以嚟都係討好形人格， 所以由細到大都吸引咗唔少比較自我中心/自戀嘅人喺身邊。 唔知點解， 咁多年一直覺得無乜大問題嘅我， 幾近年突然覺得夠了， 我唔想再繼續去討好一啲唔重視我嘅人， 我好攰！ 然後開始慢慢睇清楚，身邊邊一個係真心關心我嘅人，邊一個係只在乎佢自己嘅人。。。 本來我以為自己會漸漸成為一個愈來愈自私同自我中心嘅人，但入咗呢間公司後，我發現，原來呢個世界都唔係只有各家自掃門前雪嘅人，原來。。。你幫吓我、我幫吓你，係存在嘅，而且好美好。從我某啲同事身上，我學識咗無私咁關心人、為人付出其實可以既簡單又開心。 所以由今日開始，我會放開懷抱不求回報咁，去令一啲我鍾意嘅人開心。嚟緊準備咗個小驚喜俾一個朋友，希望帶到歡樂俾佢啦❤️❤️