有時去歐洲見到好多舊apartment 唔駛起好高好大好靚 用石屎水泥平平地起已經好實淨撳用 而且保暖又住得多人 而英國嘅屋就真係千瘡百孔 啲apartment 好多都係新起，所以管理費貴 （而除咗比任掉垃圾唔分類都無人理，同停車場外，我都唔知管理費用咗去邊） 而一般人住開嘅排屋或半獨立屋果啲都係用木搭建 偏偏英國樓遇到嘅問題唔係天氣潮濕多雨呢啲外在因素 而係各種嘅室內滲水問題 可以係廁所滲水 Condensation嘅水 或者因為屋頂太多菁苔同泥而滲入嚟嘅泥水 要保養一間屋好好咁住落去 其實真係同湊仔餵奶差唔多 一時呢度頭暈身㷫 一時果度肚痾嘔奶咁 好多house 都係化妝屋嚟 一間樓齡幾十年嘅house 多年來經過好多修修補補 基本上無一忽係完整嘅 木本身好撳用，但一遇水就變淋會爛 根本就唔適合喺英國做建材 究竟上幾代嘅人係咪諗住住三十年就玩完… （好羡慕歐洲城巿嘅通勤方式，就算無地鐵，都可以落樓踩單車去車站搭火車電車，或直接踩單車返工，而樓下街角總有好多商店雜貨舖cafe 書店，步行十幾廿分鐘就有哂想要嘅生活機能，連私家車都唔駛渣，排少好多碳）