各位跪友真係唔好意思，我成日喺Threads度鳩頂鼻，不過我仍然會繼續頂： 1. 喺香港我成日屌，喺英國見到不公義我照樣會屌，呢點好多BNOer應該不能接受，話晒人在異鄉，多一事不如少一事嘛~ 😉 2. 我支援唔少香港移民，你哋可以留意返我教會活動，亦都歡迎報名參加。但私下我會同香港人保持返專業界線，英國社會其實好睇重呢樣。 3. 承上，我日常生活反而比較多同大陸人來往，原因係佢哋會欣賞英國同香港，唔似某啲拎住一大舊錢嘅中產怨呢樣嗰樣。仲有大陸人除咗屌共產黨講乜都得，而香港人有好多潛規則同禁忌，我玩唔起。 4. 喺香港搞學術嘅人通常被鄙視，覺得佢哋剩係識死讀書、冇變通能力etc. 但好抱歉，我人除咗搞學術都做緊英國某公司嘅前線。 當然啦香港人一定會覺得我吹，因為好多香港人都做唔到... 但唔代表歐洲人唔得架嘛。笛卡兒、卡諾 Carnot、史瓦西 Schwarzschild 都係邊揸槍邊做研究。 5. 其實我嘅行為如果係一個英國白人做應該冇嘢，但喺中國香港人嘅眼中我仍然係同類，所以都係會屌我。若要堂堂正正做返個英國人，唔需要特登群英國人，但一定要遠離港人🙏🏻