有無諗過新娘子當日好忙😅仲要見到每位員工逐個派？就算其他姊妹都有任務在身未必有時間同逐個員工派（仲要認得派咗未，仲要識分係長工定炒散？） 1）要轉妝轉頭換衫 2）去到又要點算下有咩甩漏，打點場內，睇佈置，少至結婚禮物，下至candy bar 3）仲要失驚無神有人走入新娘房借用 4）或者突然有急事要新娘處理（見識過有前男友到場未開席前醉到不省人事要報警送院🤣） 5）又或者座位安排有人唔滿意要臨時編過 6）比奶奶捉出去敬茶 7）結婚蛋糕無依時送達要處理 8）證婚律師綵排講解 9）仲要出去同賓客影相 下刪十萬件要做嘅事 所以未必真係有時間逐個派，會比經理等佢派（我見綵蛋新娘都咁做），咁經理派唔派真係睇佢個人，我試過到場時比咗一疊利是經理派，都成40封，散席果陣經理話唔夠派問我再拎，我又比多疊，返到酒店唔對路呀🤣🤣我擺100人咋喎，都唔覺有成40個員工🤣🤣古惑的經理呀

唔好咁痴線啦，老憑咁？我派左比經理，佢唔派你咪追經理囉。人哋結婚仲要serve酒店員工？我相信唔係間間經理都咁仆街，你東家唔岩就打西家，關新人咩事姐？