喺地鐵度見到依一個廣告 ，同下面呢個回覆，當場忍唔住喺地鐵度大笑咗出聲😂所以點解我成日話美容院 搵素人演員或者KOL以外嘅人代你公司出鏡，唔好個老闆娘自己出鏡就係咁解。 人嘅腦袋好複雜，有啲嘢就好似你見到曾志偉做港姐評判咁樣「只要有佢出現嘅場合，你都會覺得嗰件事低俗化並且無聊化」，只要有一個對人不對事嘅留言出現咗咁所有傻仔觀眾嘅注意力都會俾你side track咗去嗰個人身上，你嘅廣告內容一瞬間就變成完全冇人有興趣，就算有興趣，個興趣都會突然間比嗰個留言吸引咗，然後佢嘅興趣就變咗做研究到底點解你個樣咁好笑，一張可潛在賺到錢嘅單，咁就飛走咗。  人係冇完美嘅，你都唔想有啲三唔識七嘅人撲出嚟笑你生得唔好睇笑你豬西，話你整容整歪塊面，笑你高低波，就算你本身冇呢啲問題，人哋都可以夾硬搵一樣嘢出嚟屌，你都係想人哋將注意力擺喺你嘅廣告上面而唔係對你喺度評頭品足…. 節省成本係人都可以理解，但係為咗呢樣嘢而傷害到自己，何苦呢？只有朋友嘅人生會索然無味，但通街都係敵人嘅人生又談不上半點成功…