如何玩轉摩洛哥🇲🇦 撒哈拉沙漠之旅攻略：點揀最啱自己嘅行程？ 撒哈拉沙漠❤️絕對係必去景點之一！沙漠嘅廣闊景色、星空同駱駝🐪體驗，絕對值得親身感受。不過，玩沙漠有唔同嘅方法，分享以下建議希望幫你安排更容易！ 3日2夜沙漠團：團體團 vs 私人團 vs 自助遊 1. 團體沙漠團 團體沙漠團係最平啲嘅選擇，三日兩夜行程約200歐元/人，通常由馬拉喀什或菲斯出發，沿途會停阿伊特·本·哈杜、托德拉峽谷，最後到沙漠嘅梅祖卡。行程包埋交通、住宿、部分餐飲同基本活動，例如騎駱駝同觀星。 適合邊啲人：第一次去撒哈拉沙漠，或者想慳錢同識朋友嘅人。 優點：價錢平、有現成行程、幾十人夠熱鬧。 缺點：時間緊湊，住宿質素普通，活動選擇少，無太大自由度。 2. 私人沙漠團 私人團二人成團會提供專車專導，行程可以因應你嘅喜好去調節，例如去多啲隱世景點或者留多啲時間拍沙漠日落。交通亦會舒適啲，通常係SUV或者越野車。 適合邊啲人：注重私隱同舒適度，或者有特定需求嘅旅客。 優點：自由度高、高質服務，仲可以選擇豪華營地同酒店。 缺點：價格會貴啲。 （留言續）