今日去剪髮，髮型師透露農曆新年會同家人去曼谷旅遊。 我👩🏻：最近泰國都好多人討論 髮型師👨🏻：係，出咗王星單新聞之後，我老婆好擔心，會俾人拐咗去KK園。加上，佢朋友個死黨最近被人呃咗去KK園 我👩🏻：吓? 你老婆個朋友？真㗎？ 髮型師👨🏻：佢朋友有個死黨在KK園附近失聯 我👩🏻：點呃過去㗎？香港人？ 髮型師👨🏻：係呀，咪好似《孤注一擲》套戲咁呃，話招聘，佢本身係做IT電腦相關嘅工作。 我👩🏻：咁而家搵返未？聯唔聯絡到？ 髮型師👨🏻：未呀，最近嘅事，失咗聯，而家都唔知響邊 我👩🏻：好恐怖呀～ 因為髮型師咩都訂好晒，我都盡量唔講啲掃興說話啦。加上我有兩個朋友分別移居咗去曼谷同清邁，佢哋都無擔心人身安全。 咁我都相信電騙集團係有target行事，只要自己提高警覺，唔好輕易信人，唔好去啲唔應該去嘅地邊，應該是ok的。 所以離開前，我都真心祝髮型師玩得開心啲，蛇年見啦！