仲認唔認得相中人？久遺既面孔將會再一次出現喺倫敦球會同英超賽場上... 樸達正式成為韋斯咸既新領隊，意味住之後既倫敦打吡佢會面對住自己既舊東家車路士；對於樸達執教中型班既能力並無任何質疑，只要有時間同耐性比佢展現出自己既戰術理念，成績同場面會有一定保証，白禮頓年代正正係一個好例子。 只能怪在錯的時間遇上錯的人，正於車路士新班主（團隊）上任時黎到接火棒，喺球員班底無限澎脹、高層期望不一以及球迷耐性有限之下，交不出應有既成績同時亦比到人一種無法駕馭大球會既感覺，最終只好黯然下台。 袋著豐厚既解約金，喺不需急著搵下家之下，其實都有唔少英超球會同樸達傳出過新聞，甚至連英格蘭國家隊一職都有傳過，最終通通都只聞樓梯響，原來韋斯咸至係佢既最終目的地。 再一次喺季中走馬上任，時間線上比起當日執教車路士時更遲，而韋斯咸現時以23分排名英超第14位，相信管理層哩一刻選擇換領隊的話，目標至少要停留於上半版。 車路士