I人表示返過3份服務業，每份都係做左3-8個月。每次返工之前都會心跳加速，好緊張。一定等到夠鐘嘅前一分鐘先入店鋪，唔敢早到，因為怕要同同事吹水🫠 一路返就一路搵其他工，每日跪求快啲脫離服務業🤦（至於點解咁唔鍾意返但都返左3份係因為當時未有能力搵office工） 做執貨/fitting之類嘅野我係幾chill嘅，因為唔係好洗點講野，要做好自己個part就ok。 但一到做cashier/應對客就瀨晒野，成日口窒窒/腦一片空白/應變能力0/係咁做錯野又唔敢問人🤦 不過有時有啲客問我意見我都幾樂意傾。例如試過返fitting，啲客會問我覺得好冇睇、點襯好，我係幾開心有人同我傾呢啲🙈 好彩呢幾份工都遇到啲好同事。尤其最後一份，manager應該係知我性格比較靜，見我執貨做得ok，同執貨team又相處得幾好，就俾多啲執貨更好🥹（雖然要好早起身，但真係寧願一直返執貨都唔做一日cashier🫠） 某程度上我覺得我係要改善下我嘅social skills嘅，但part of me又覺得如果迫自己去做啲我唔係好comfy嘅野好似冇咩必要咁... 有時格硬開話題又好尷尬😅