有感而發。 今日見到一個post關於自己唔同嘅朋友都有唔同嘅成就，而覺得自己仲處於探索人生階段好焦慮，於是我留言表達咗自己嘅睇法同感想。（如圖） 曾經都有朋友有類似嘅煩惱，我都係用同一翻說話去開解安慰。 過去我不斷去要求自己達到其他人嘅期望或者因為自覺對其他人嘅責任而對自己要求好高，但後來發現自己好辛苦，壓力好大情緒每況愈下最後崩潰。明明其實身邊人都好體諒，或者自己對家人已經問心無愧，偏偏選擇自己過份要求自己，簡單講叫做「自己攞苦尼辛」。 直到崩潰過後我慢慢思考先醒覺，我到底有冇量力而為，我內心需要想要嘅係咪依家嘅一切。然後我發現唔係，因為我感覺唔到快樂同滿足。 所以我終於明白，無論任何形式嘅人生，不論辛苦困難，最重要係自己嘅心意，自己想要。因為只要係自己想要，那怕再困難你都會有動力，那怕再辛苦你都覺得滿足。 雖然我覺得我自己都未達到自己嘅目標同理想嘅人生，但我會繼續努力邁進，一步一腳印去活出屬於自己嘅人生。我想我至少自己將來百年歸來嘅時候回顧自己嘅人生我係快樂係忠於自己內心而活。