（續）聽完全首歌曲，品味全歌，我係有合理懷疑自己有被「迷雲」的感覺。（作為一個接受理性學術訓練的文人我都好努力抑制雲之影響，尤其聽到佢焦急講「未得住呀～～～」企圖剎停前奏，個下真係會心一笑。） 然後認真去google search Cloud Wan睇下佢近期作品，發現最新作品正係耀輝老師的詞作〈世界多了一個陌生人〉，卻又能和出自不同詞人、時間稍早的陳穎謙〈回憶半分鐘〉與黃偉文〈慢性分手〉構成三部曲，乃至再早的2023年Oscar〈無以名狀的痛〉與藍奕邦〈放下放不下〉主題相連。 當然睇得多佢的歌曲MV，連自己都為佢有少少心痛，希望今年Cloud姐的作品唔好咁多悲傷元素，固然 “Introduction to Pain”，挖空自己的黑洞，搞到自己每套MV都要喊幾回，真係對自己好辛苦。講真邊有人唔想Cloud 開心做自己？（我的出發點同剛剛過去《明報》星期日生活的評論一樣，我關心每位歌手的精神健康） 衷心祝願Cloud未來星途無限，亦期待未來Cloud好似Jay Fung林家謙有個人音樂會/作品展，展開佢的願望之翼。最緊要做自己，做一個自己欣賞又消遙的「歌手雲浩影」。