韓國仁川機場2025年1月10號實時情況 Threads大量post講話嚟到仁川機場 要三個半鐘頭都退唔到稅爭啲上唔到飛機 搞到我哋都早咗三個鐘頭嚟到都仲驚趕唔切 下午兩點嘅飛機10:50到咗 手腳都唔算好快嘅情況下12點已經係成功入閘兼退埋稅 當然有下載smart pass 入閘嗰下係真係快 不過另外兩位同行朋友冇下載都唔係爭好遠就入咗去 想講係好多人都塞咗喺3號入閘位 其實行前少少去4號5號就會少好多人 可能今日人流明顯係少啲 過安檢嘅時候雖然有啲旅客都係要除鞋 不過都唔係阻礙太多 點都好 有早冇遲都係穩陣啲 最多周圍行吓食吓嘢 好過次次都係跑去閘口 2025年有進步！