我孤陋寡聞，無意扮成讀書人，不過我記得以前中文SBA，我選擇左龍應台嘅「目送」。 裡面一個章節有關於以前信，而家唔信，而前唔信而家信嘅章節，係令我最深刻嘅一篇散文。 成長就係不斷否定又不斷確定，雖然睇落係改變，但當你改變嘅時候，你會諗其實你係唔係變左？你仲係唔係做緊自己？ 曾經我唔信才能對人幾重要「screw talent」係我座右銘，但係我好清楚呢個世界就係有人出生已經好過你。我冇得唔信，因為咁樣只係否定現實，一個無能者最後嘅掙扎。 曾經我認為做人一定要真性情，我而家卻覺得看破不說先係成熟 曾經我認為大家都係好人，後來先發現敵人係無可避免嘅。 曾經我認為世界有無窮可能性，後來我先發現世界同時都有無窮不可能嘅事