其實，一直以嚟，對於命理學，有兩派極端嘅觀點。一派係完全唔信命運，認為人生要憑自己嘅努力去創造；另一派就過度迷信，將自己嘅人生完全交畀命運或者命理師決定。 我哋投身靈性行業已經8年，一直只想做到令大家明白咩係知命而不認命，想要一個順利而又能夠達到自己目標嘅人生，兩者係同等重要。命盤只係一堆屬於你嘅人生課題，唔係每個人嘅命運都會一帆風順，但係每個盤都一定有其個人之處，因果業力比一切都公平。 曾經見盡太多人個盤幾靚都好，依然會自尋煩惱，亦有好多人花時間去羨慕其他人，反而忽略咗自己嘅人生，其實大家都係你睇我好啫，專注了解自己嘅課題，感受自己嘅內心，理解自己，已經可以真正改變人生。 呢樣嘢好重要，因為只有明白咗自己，先可以掌控自己嘅命運，並唔係任由命盤主宰一切。紫微命盤