24000蚊的幸福.續.（完） 就係酒店訓左兩日終須都到咗起飛既日子，上到機之後我其實好怕基路仔坐飛機會好驚，當日睇醫生既時候，醫生開左隻訓教藥俾基路仔係有需要嘅時候食既，我亦都再三考慮夠竟俾唔俾佢食好，因為怕佢坐飛機會好辛苦，但到最後我都係無俾到佢食藥。 直到起飛個陣佢都好乖冇掙扎，好似知道我哋去旅行咁，一直係我櫈底俾我伸手入貓袋度摸佢叫佢唔使驚，我當時機上面有其他貓貓不過佢地叫得好慘⋯而基路仔好淡定就係咁足足飛左11個鐘我真係覺得基路仔好人性化，到左溫哥華之後要再轉機，轉機時候抱佢出嚟順利過安檢，然後 再坐多兩個鐘左右去卡加利，卡加利機場做安檢既時候我又要抱佢出嚟，佢都好乖好合作完完全全明白到我係俾到安全感佢，呢份成功感真係難得。 轉轉折折下我同基路仔終於都到咗我哋落腳既地方，我即刻放佢出嚟同佢講：「我地到啦！我地訓終於到達屋企啦！」 今次旅程對於基路仔或者我都係一個重要既里程碑，我好感恩當初基路仔俾個機會我帶佢返屋企，亦都好感謝佢對我既信任，當然我都會好好照顧基路仔之後既一生！ 能感受到一隻寵物給予你的愛是幸運是珍貴！ 珍惜自己身邊既寵物 你對佢好佢會感受到的！