把重要的話說在開頭，我個仔好得意我好鍾意佢好開心有佢。 但係如果時光倒流回到當時，你問我會唔會想有小朋友，我諗都唔使諗就可以即刻答，唔會。先唔講政治環境教育制度經濟負擔，由媽媽發現懷孕順利生產，然後到小子健康成長聰明開朗，其實係要好多好多個好彩，如果要決定生仔基本上係等於賭博。好彩我賭贏，但係其實我唔鍾意賭。