今朝返學 行去地鐵站 中途見到有一對母子係度賣旗 個小朋友好賣力咁 ：早晨 買支旗呀～ 但奈何時間早 路人似乎都好趕時間 我以為佢會好唔開心 跟住佢媽咪：唔緊要㗎 唔緊要 我過到去 跟住佢就即刻 姐姐早晨 買支旗呀～ 多謝曬你呀 byebye 其實天橋嗰個位好食風 係令人一秒都唔想停留 個小朋友真係好乖好聽話好叻🥹🥹 姨姨都好好 願意陪小朋友一齊做啲有意義嘅事 跟住放學 係彩虹地鐵站見到賣旗 我行過去之後個婆婆就 你好呀妹妹 多謝你呀 笑住同我講 好nice好nice!!! 跟住我搵緊銀包就同佢講等我一陣呀 婆婆：ok呀唔緊要慢慢啦 今日都要返學呀妹妹 我話係呀因為要考試^ ^ 佢就同我講快高長大 加油 仲幫我貼支旗係衫度 好開心好開心 希望個婆婆都可以身體健康🥰 好感恩生活中遇到的可愛善良人類！