山多平地少嘅香港一直都有好多填海，不如討論下香港有幾多地係填海而成 1）有人話青衣係由三個島填埋而成，東北面嗰個叫牙鷹洲，另外兩個叫咩名？ 2）如果皇后大道中係中環原生嘅海岸線，咁20世紀初去到寶靈海旁/德輔道中，70年代去到干諾道中，到廿年前趕住去投胎咁拆皇后碼頭同愛丁堡公爵廣場碼頭（for 天星小輪）再填出多幾百米，港島北有幾大面積填海而成？ 3）90年代除咗夷平並填埋咗赤鱲角及欖洲兩島興建新機場之外，其亦衍生出西九龍填海， 深水埗嘅海岸線由通州街延伸至海盈邨，至少達710米，佐敦道由八文樓延長咗600米 荔枝角灣丶昂船洲丶長沙灣填埋咗一齊 大角咀維港灣丶浪澄灣丶九龍站圓方都係填海地起出嚟 佐敦道碼頭丶大角咀碼頭丶深水埗碼頭被逼清拆 4）圓洲角原屬沙田海其中一個島嶼，今已被填埋入陸地，圓洲角即係家陣第一城嘅邊個位？威爾斯醫院？ 5）官塘有幾多地方係填海？原生海岸線真係牛頭角道？