以前呢個世界有「Norm」、有主流意見、有主旋律，最緊要「流行」同「大眾」。 而家呢個時代咁「多元」，每個人都接觸到自己最想睇、最有興趣嘅嘢，都有自己獨特嘅睇法。 所以，同一件事可以有唔同嘅「演繹」、唔同嘅「解釋」、唔同嘅「說法」。 用加州大火做例子，就感受到嗰種「多元」。例如有人會話： - 呢單嘢係自然災害 - 呢單嘢係人禍 - 呢單嘢係因為全球暖化 - 呢單嘢係因為環保撚 - 呢單嘢係因為 cut 咗消防 budget - 呢單嘢係因為 2025 年係 Pandemic 2.0，呢年會好大劑 - 呢單嘢係因為 LA 趕住2028 年做 Smart City，所以用 DEW 人為生火 - 呢單嘢係因為加州係地球嘅 Root Chakra，係地球能量嘅變動 - 呢單嘢係因為就嚟 Kobe 死忌所以燒 LA 比佢 喺呢個「多元」嘅時代，好多事情嘅「對或錯」好似漸漸變得模糊，而淨返嘅只係「觀點與角度」。 當你企喺嗰個角度，用嗰個人設、嗰個經驗去睇件事嘅時候，每件事其實都「好真」，都有佢嘅道理。 當然，唔喺嗰個角度，所有事情就會變得好無理，或者「唔 Buy 囉」！ 多元文化