亂食亂操80公斤野豬養成計劃 2025年第11日 琴日係餐廳試業既第一日，超級緊張。一年前初初入行開始已經養成一個習慣早一至兩個鐘番廚房開始做野備野，點知番到去大廚已經開緊工，佢仲問我做咩咁早番。琴日係officially 負責Grill Postion既第一日，under Soul Chef Bob，佢係一個幾organised 既人，會俾到好清晰既指令我，非常鍾意同依類人做野。因為試業第一日淨係需要做Dinner Service，所以朝早同下就都係準備Dinner同第二日lunch 同 Dinner既野，但搞搞下原來已經5點幾，6點要開始埋檔，大家都無食到lunch。 本身以為已經準備好哂，自己做過一年所謂既法國餐廳應該都輕鬆應付晚餐啦，但真係上到戰場既時候原來都係成個傻仔咁，我淨係負責炸野都已經踢哂腳，又俾大餐彈我餐，累到成team個節奏亂哂， Soul Chef Bob係格離狂屌，佢差小小就拎兩塊包夾住我塊面叫我Idiot Sandwich。但佢屌還屌，都有encourage我同教我好多野。