的起心肝清衣櫃，其實係因為自知再堆落去真係無位，而且我也不希望嗰啲靚衫因為我嘅拖延症不見天日…… 其實為咗營造美好家居我都睇咗唔少關於整理嘅書，呢幾本我覺得係對我最大啟發性嘅： 怦然心動的人生整理魔法1和2 近藤麻理惠 https://www.eslite.com/product/1001112702074872 雖然網飛有佢嘅節目，邀請佢去幫外國人執屋同介紹佢嘅理念，但我覺得講得好表面。你當家居節目睇OK嘅，但要學到佢背後嘅理念，一定要睇書。 書裡面佢有啲似上心靈課堂嘅發言可以忽略之外，我覺得最好睇係佢有講佢嘅整理歷程，點樣好似一般人咁失敗，最後點樣build up自己嘅理論。 佢嘅書我覺得非常受用嘅地方有： 1. 如果好耐無整理過間屋，物品分得好散工作量巨大嘅話，一定要的起心肝用幾日大假一口氣執好。 2. 同類嘅物品唔好因為無位而分開存放，到最後你會唔記得而喺屋企囤積大量被遺忘嘅備用品。 3. 扔嘢唔好畀屋企人（尤其是長輩）望到，唔係佢就好大可能會因為覺得扔咗好嘥而留底你本身要清走嘅嘢。 （下續） 整理 斷捨離 香港