我原本係諗住唔回應... 唔需要太在乎陌生人嘅睇法，同埋我覺得就算我講咩都改變唔到佢嘅諗法。 但係原來發到咁大，最重要係有人話我係假扮堅果🙈我覺得呢一句係傷害，所以我岀呢個 post。 我唔可以講自己係終堅，因為我冇入任何 fc，tg group，我亦唔係每一個活動每一個show都有去。我冇做任何應援，只係一個冇存在感嘅小 fans。 佢哋上年香港月面著陸演唱會我搶唔到飛，我冇食炒價，到開show睇到佢哋幾個yt 都有做花絮，訪問觀眾，睇到氣氛好開心，我好後悔自己冇買飛。 到佢哋開澳門場，我同朋友都係搶唔到🙈我忍左好耐，最後我真係好想去，所以周圍問人有冇得買黃牛。終於我自己一個人過大海，就係為咗見佢哋。 圖係上年去澳門睇演唱會影嘅！