西藏+尼泊爾紀錄10 Day 4其實仲未完，本身plan咗影完寫真就去布達拉宮，最後影寫真超時太多，趕唔切去啦！布達拉宮book咗之後no show仲會畀佢blacklist七日，即係話我哋今次嚟西藏入唔到布達拉宮喇😢 其實我影相嘅時候，行上小斜波都喘曬氣，都好懷疑自己上唔上到布達拉宮，不過既然今次上唔到，即係叫我下次再嚟啦！ 最後去咗一間女性喇嘛開嘅茶館食咗藏麵同埋酥油茶，藏麵嘅口感係從未接觸過，唔知點形容，個芯有少少似未煮熟咁粉粉哋，第一次食唔係好習慣，食食吓我又覺得ok，不過安怡就好唔鍾意😂 食完就趕住去參觀大昭寺，爭少少又趕唔切入去，點解我哋呢班人去到邊都要趕頭趕命…… 係大昭寺我哋一行七人用咗三百蚊請咗個藏族導遊講解，講得超好超專業，覺得呢三百蚊真係洗得好抵！名勝古蹟冇人講解真係唔知睇乜，有專人講完之後覺得好多嘢都好有意義♥️有嚟大昭寺真係太好啦！ 比起布達拉宮，位於八廓街嘅大昭寺對藏民嚟講更加有意義，因為有大昭寺之後先至有拉薩，大昭寺更加係藏傳佛教嘅起源，條街佈滿過嚟叩拜嘅藏民，係無論男女老幼都勁虔誠咁一路跪拜一路向大昭寺前進，睇到真係幾震憾。 西藏