呢個世界硬係會有啲人以為自己係企係道德嘅最高點然後就無緣無故係度批評其他人😂😓 事緣今日同frd出咗出面溫書 但自修室係已經full晒 出面又勁多人排隊 咁我地唯有入商場搵cafe 然後見到間cafe唔多人我地咪入咗 一入到去我地都有一人嗌返杯野飲先坐低㗎啦 之後有一男一女入嚟坐去我地隔離 一嚟個女人就係度指住我同我個frd 然後個男人就話：係呀係咁㗎啦 然後佢地嗌完嘢食之後又係度傾 👩🏻：女人 👨🏻：男人 👩🏻：乜而家餐廳幾時唔係用嚟食嘢 陰功囉啲餐廳蝕死 👨🏻：係咁㗎啦 而家香港咪就興呢啲風氣 一坐就坐幾個鐘 又唔使錢喎 咪就係咁自私 … 佢地就咁樣一輪嘴講咗5分鐘 我唔知佢地係專登講說話俾我地聽定expect我地戴耳機會聽唔到 但我就真的委屈到死😂 咁犀利一係你捐錢起多幾間自修室出嚟俾我地呢啲自私嘅學生囉😂 再唔係解決下香港房屋問題唔夠空間提供學生一個舒適嘅學習環境囉😂 更何況我而家有冇影響到你先 間cafe仲有咁多位 你都唔使等就入到嚟啦 我係你食飯嗰陣係隔離溫書阻你胃口咩😂😂😂