我想講，善意回歸善意係真嘅。 大家都知我星光大道開咗間小食亭，尋日唔夠人手尋日就自己看檔喇。上個月都睇過，朝頭早生意真係一般，所以晏晝三點先開門。但夜晚其實一直都係一個未知數嚟，咁keep住有人嚟，我咪keep住咁樣繼續蒸燒賣繼續買囉，賣賣吓都11點，洗完嘢都11:30有多。難得落咗嚟，咁我就自己執返整齊個檔口啦。 執吓執吓，無端端有人喺舖頭門口聚集： 👩🏻‍🦰：嘩，呢度好光啊，可以用嚟切蛋糕 👨🏻‍🦱：咁裏面切唔到，喺呢邊切啦 咁佢哋哼個窗，問可唔可以同我買幾隻叉？我哋吉燒賣又點會有叉呢？🤣 所以我出咗去，俾咗堆竹籤佢。佢哋發現沒刀切蛋糕，咁啱我又偷聽到，咁我就借把刀俾佢哋，都係舉手之勞啫。 佢地抹返乾淨把刀，還返俾我嘅時候就講返，原來佢有一對新加坡夫婦朋友過咗嚟香港慶祝結婚周年，諗住喺附近book間靚靚餐廳同佢哋慶祝，點知間餐廳唔俾佢哋喺裏面切蛋糕，係比幾多切餅費都唔可以喺裏面切，咁唯有死死地氣拎出嚟先切啦。 佢地之後問我哋係賣乜㗎，咁我都係講返我啲對白，我哋係賣燒賣嘅，不過主要都係想賣吓辣椒油，咁佢就直接同我哋買咗四樽，無端端又做多幾百蚊生意。 結論放返去留言。