每日廣東歌遺珠推介 DAY 4 方皓玟 — 勞絲.萊絲 （2006） 「來年來日會為你洗熨做妥」 你冇睇錯！！！小明都出過一首勞絲.萊絲，同何韻詩首勞斯.萊斯（2005，黃偉文填詞）同曲，由小明自己填詞。 小明版本故事嘅兩位主角一開始就深愛對方，甚至冇經歷過質疑性取向嘅階段。而部分字眼同hocc嗰首相同，例如「若做對好兄弟」、「犯眾憎」，但係初出道嘅小明填詞真係有待改善😅「唱K」、「洗熨」真係太出戲，但「於天光不再避 於天黑不皺眉」又填得唔錯。 論聲線/感情表達，hocc似講人地故事，小明就係身歷其境寫自己。呢首算唔算「遺珠」就見仁見智啦，我就覺得小明把聲幾有不理世俗反對feel嘅。 問題嚟啦！hocc嗰首嘅作曲係Edmond Tsang，小明嘅作曲係許創基，咁究竟邊個先係原本作曲？仲有，邊份詞寫成先呢？（推出先後唔代表寫成日期）我就搵唔到資料，有人記得嘅話都可以講下