有種歌手，未必大紅大紫，但係佢地有一個獨特既地位係心入面。 我由同ex開始到結束，梁靜茹既歌都陪住我過。 由<勇氣>到<小手拉大手>再到<崇拜>、<愛久見人心>，到最後<會呼吸的痛>、<可惜不是你>同<分手快樂> 試過為左睇梁靜茹演唱會，ex陪我通宵排隊買飛。 一齊去台北小巨蛋睇、搶到飛坐演唱會第一行、搶到生日正日去睇。 全部都係我十幾年青春既回憶。 當我知道梁靜茹2025要黎香港再開演唱會，我有一下癲到想問個ex一唔一齊睇。 因為我知我搵唔到另一個同我一齊經歷左咁多而又鐘意梁靜茹既人。 最後，我無咁癲，我決定自己一個去睇，想去好好回味我既青春。 但我今次竟然搶唔到飛…明明單丁位應該好易買，到底ex點樣每次都買到飛… 希望最後我有飛入到去，好好「向昨天揮揮手」。