趁病亂噏下先 十幾年前去過西藏，凡去珠峰大本營會經過定日縣，來回住過白壩鎮兩晚，成個地方住宿衞生環境當然好差下，嗰度海拔四千三，八月夜晚氣溫大概得十度。有晚我同班夾錢包車嘅人一齊喺一間噏耷餐廳食飯傾計，有個上海大叔係咁講如果依家有地震我哋就死梗呢啲吾吉利嘅話，我其實好想叫佢收聲，不過普通話差兼駁長輩嘴吾太好，所以專心食飯無理佢 高原地震其實幾大鑊下，尤其冬天，已經缺氧仲要捱凍。當然呢啲天災係咪只係天災咁簡單？話就話一齊富起來，但我相信十幾年後嘅今日住喺嗰度嘅人，都係仍然咁落後咁噏耷，生活質素無乜改善過，咁啲屋冧咗九成都係好正常，因為，啲屋都無變過，何來防震？ 啲錢用咗喺一個地震帶地方起水壩，呢個做法就更加令人心驚 天災綿綿，北海道南部海邊大量沙甸魚死亡，又係咪預告地震將會發生？ 連汕尾附近都有地震微動，呢個世界有咩係無可能 呢邊地震，嗰邊山火都不遑多讓，堂堂大國差吾多每年都遇到呢種天災，但人禍亦不會欠奉 郁下無咁病，今朝聽Aurora碟，一路聽一路係咁亂跳，真係舒暢 期待佢下月演唱會 為免吾再亂噏，都係瞓下晏覺休息下好啲，聽住Sigus ros音樂入睡應該可以治愈病情