本來諗住今個禮拜抖下唔入園住，點知睇到大家啲相及片，樂樂轉咗去大水池個場咁生猛，我都係忍唔住，今日衝咗入去睇樂樂😂😂😂😂 最好笑係小熊貓，盈盈生B佢哋就同樂樂一齊放侍產假，而家樂樂個舊場封咗又讓小熊貓放大假了，明明次次都唔關佢哋事🤣🤣🤣🤣🤣 樂樂轉咗場真係活動多咗，行來行去，間中落去水池泡浴，佢一走落水啲魚如臨大敵，唔敢游埋去😂😂😂 之後爬上樹枝床，開頭以為佢想瞓覺啦，點知喺度磨嚟磨去不停換位置，原來係r背脊🤣🤣🤣 感覺佢喺呢個場好開心。同埋奶爸叫佢，佢係好乖即時回應的，相比安安🤣🤣🤣🤣 之前聽過奶媽叫安安，叫幾次佢都仲坐喺上面發呆🤣🤣🤣🤣 跟住去睇安可，人多到呢…… 超級迫超級嘈！究竟啲人咩事，點解一入四川奇珍館就好似突然唔識安靜，見到安安喺房間行出嚟又要歡呼，見到可可坐上寶座又要議論一番😮‍💨😮‍💨 無論咩國籍、咩年紀、咩性別，一入去呢個館就好嘈好嘈好嘈！頭都痛埋，所以我玩到2點幾已經走咗，頂佢哋唔順😵‍💫😵‍💫 班人幾時先學識安靜觀貓😩😩😩😩