認衰仔真係又一間拖咗咁耐無出post，啱啱一搵原來已經結業真係好慚愧。 好食嘅有心嘅有特別嘅點解都係留唔住，有人話因為有錢人走哂，事實上租金呢個問題都係一個好根深蒂固好多慨嘆但無能為力嘅一個根本嚟，要食好食嘅我相信俾幾多錢都有人肯去食，但係租金嘅掣肘下，食材人工燈油火蠟淨番袋到落袋嘅有幾多，變相有啲商家會喺食物上人員上作出好多調整，令到煮好嘢食同賺到錢呢個好難平衡到… 加上宜家好多人搵餐廳可以參考嘅太多，有能力選擇都有能力比較，大家都係好有目的性。 種種問題環環相扣，可以做嘅就係繼續好好支持宜家堅守緊嘅餐廳小店，唯有係咁… 🅑🅔🅑🅔🅑🅔🅑🅔🅑🅔🅑🅔🅑🅔🅑🅔🅑🅔 🅑🅔🅑🅔🅑🅔🅑🅔🅑🅔🅑🅔🅑🅔🅑🅔🅑🅔 Chubby Papa’s Deli (西環) 西環堅尼地城卑路乍街7-11號海都樓地下29號舖