之前考到個的士牌，仲要上一個強制職前課程，仲要嘥兩日時間戇鳩鳩坐喺度聽佢講同埋考試，又唔可以瞓覺，除考試課題之外，仲有一啲渣的士搵食嘅小貼士，都會聽吓佢講乜鳩，嗰個阿Sir問了一條問題，如果喺街上見到一個坐住輪椅嘅人截車你會點，個個都會話接啦，有一兩個話唔接，嗰個阿Sir就理直氣壯咁講，梗係唔接啦，見到坐輪椅嗰啲當睇唔到就算啦，每分每秒都係錢嚟㗎嘛，又要幫佢上又要幫佢落，仲要辛苦自己，冇理由同啲錢鬥氣，我聽到之後個心裏面只有四個字出現，你咁嘅說話講出嚟都做到阿Sir，最基本做人嘅道理你都唔撚識，仲出嚟教書，呢個阿Sir以前係做懲教署退休之後就做埋呢啲濕鳩阿Sir，當然我都冇出過一句聲，唔知條撚樣會唔會唔俾我合格,其實做呢啲單唔止係為咗錢咁諗係咪好過啲呢，又幫到人自己又可以賺到錢，咁諗咪舒服好多，我就真係好鍾意車呢啲有需要嘅人，聽完嗰條撚樣阿Sir講之後，我就同自己講第日有機會揸車搵食，見到有需要嘅人一定要幫，琴晚終於都撞到一個坐輪椅嘅阿伯，梗係有幫佢上落，喺佐敦接去天水圍大長途，香港最北，個天真係好呀明知我住喺最南, 到咗之後諗住吉車返屋企，點知去到新田有人叫車去何文田🫶