裡應外合 本來諗住新一年第一篇港產片文係講新戲(曾經擁有) 後尾因為時間唔啱要推遲睇 結果就係咁造就我去睇呢套 相信係24年震驚全城嘅大作 難以想像袁劍偉拍完呢套之後仲有機會拍到《盜月者》 亦都好彩地《盜月者》上先 如果唔係嘅話相信《盜月者》票房應該會再差啲 因為《裡應外合》絕對係24年爛到最極致嘅電影 同《潛行》一樣去到極致就會令你睇得好歡樂 電影MVP絕對係余安安 一開波喊苦喊忽 誇張到無論嘅喊戲就已經引緊我笑出聲 再加上周家怡喺人地個仔入咗ICU搶救之際走去sell骨灰靈位 成件事真係gag撚到震 仲有三大高手中段打張繼聰 結果變咗《破壞之王》嘅奔雷手文泰來 同埋間中穿插住low bud feel嘅動畫過場 都真係越睇越歡樂 認真mode講 套戲一直就好似套戲男主角在意識同現實遊走咁 徘徊喺有心拍同無心拍中間 有啲細位係睇到有心去佈置 但膠位過多加上演員演出麻麻 真係幾好嘅細節都無用啦 相信電影唯一推介到嘅係新人女主馬思惠 少少似朱晨麗嘅樣 加上幾場福利位 都睇得兩眼 難怪入到英皇女團 一張圖講一套戲