上篇打多咗字(為免吾再亂噏)，未病好可以繼續噏 最熱話題一定係泰國禁錮事件 去過泰國旅遊四次，一個好好去嘅地方，簡單又平又方便，吾駛點睇攻略就去到，嘢食吾錯又有真夜市，陽光海灘寺廟佛像亦俱全。不過去旅遊都係以安全為首要，見到呢啲新聞都咪話吾驚，試問依家冇人夠膽去以色列烏克蘭旅遊卦，我哋阿頭講嗰句「吾喺現場出現就冇事，去得嗰度就可能有呢啲風險」，又真係講得啱喎 吾去泰國去第二度，不過度度都有嘢發生：韓國空難令人心驚；中日韓都爆發梗大型流感 所以留喺香港應該最安全，不過咪病咗囉 凍要郁下，㨂咗兩隻比較大路嘅碟嚟聽同郁 吾知點解當我每次病咗就可以唱高音假音，竟然可以跟住成隻Sheer heart attack唱足哂。曇花一現，病好就無架啦 Dark side of the moon嘅迷幻啱晒食完藥嘅我聽。早排無厘頭介紹俾同事聽，一個聽慣流行單曲嘅人，去聽一隻幾乎以音樂伴奏為主體嘅作品，我諗應該幾難適應同接受。記得讀書時，介紹首Echoes俾聽開band嘅同學聽，佢聽完劈頭一句：咁難聽嘅？老咗先聽架話？然後幾年前，喺fb無意發現佢對呢首歌大讚好正 大家都老咗啦 希望聽日會病好