亂食亂操80公斤野豬養成計劃 2025年第12日 今朝Check In俾教練，體重係66.7，比上星期輕咗0.5公斤左右，其實自幾個月前Cut完之後再重新開始上磅之後，體重卡咗係66同67之間上上落落，肉量體落有進步既但唔快，不過又無諗住好急去比賽，所以都無咩所謂。教練上星期有問過我今年試唔試下出WNBF，我都答佢諗住上到80kg再算，但可能之後都唔會再跟教練了，實在係有小小貴，同埋都無時間去上堂，番多日part time好過。 琴日番工無比人屌得咁勁，早三個鐘番去幫手備貨。Soul Chef Bob都係覺得我做野太慢，唔夠爽，同埋好多細位都會俾佢話，例如點樣將d野排整齊d，做野點順暢d，雖然會唔開心但其實又好慶幸跟到個好leader可以學好d手門。琴日又係食唔到飯，夜晚一次過食兩餐，飽住訓好開心。