邊一個發明了返工（十） 無功勞，都有苦勞 1. 之前講過咩叫功勞、苦勞、本份，我今次想再講深入D 2. 我一個人做三個人既野，點解老闆唔升我？！大佬呀，你咁傻咁天真，稍通人性都知係無可能 3. 你做晒影印，拖地，沖茶，開早收晏，做老闆既，心裡面點諗？ 4. 升左你，即係製造麻煩俾自己，因為我要另外請多三個人去做番你原本一個人做緊既野，條數點計？錢賺唔賺多左唔知，但支出一定飆升 5. 老闆係想透過出錢買你時間令自己賺多D，升左你直頭同目標背道而馳。 6. 老闆只會加你人工，安撫你，出1.5人既糧去獎你做左3人既工作，令老闆慳左1.5人既糧。 7. 要俾老闆知你好打得，唔係要俾老闆習慣左你每日都係好打得。認真諗下，一個人做左三個人既野，除左跑數既Sales，對老闆來講都只係零件、齒輪，好易替代，無非用既錢多錢少姐 8. 大個啦，唔好咁傻，唔係你做左幾多野影響你前途，係你完成左幾多老闆既KPI呀，睇下女歌迷羅淑佩，我真係好欣賞佢，做野叻，識將榮譽送俾老闆，又同觀眾打成一片， 9. 睇佢身形，我死都唔信佢平時有跑步，但佢為左做好份工，又跑又去暖場，贏晒，唔升佢，就真係無天理嘞