2023-01-08～2025-01-11 燶咗🐹 原本諗住博一鋪你只係腸道阻塞，做手術通反就康復，點知琴日醫生開左你個肚影比我地睇，原來你盲腸已經壞死左，其他大腸亦到漲到雞子咁🫠好誇張，所以我地選擇左打針讓你在手術台離開🥺希望你唔好再痛苦落去… 從小到大養過數隻倉鼠，燶咗係最聰明亦最有靈性果一隻，佢識得認主人、認地方、唔新鮮嘅野唔食、定點屙尿、好多野講…. 因為上一隻熊仔鼠（洋蔥圈）係突然係我出左街果陣離我而去，所以我一早就同啊燶講「如果你要走記得話聲我知」，果然燶咗真係一早比左好多提示我，上個月佢突然把所有尿沙都抓哂出嚟，搞到自己成身痴住都尿沙，以前佢從來都未試過，直到最後佢肚痛果陣都同樣不停咬地抓地，我就明白了… 自從啊燶12月開始肚屙之後，佢就學識左「咇咇」叫，起初以為佢開心叫，醫生都話鼠開心係會咁叫，加上啊燶本來就好多野講，不以為意，回想原來你肚屙禍不單行，盲腸大概果陣就開始變壞了…你病發當日我亦都食物中毒，又屙又嘔，好似身同感受咁😣 仲有，你病住都捱埋聖誕節陪我玩🥺前一日仲咁乖比我抱住影相😭辛苦你了燶！