【做人切忌太善良，記住「登門檻效應」】 從細個開始，父母就教我們要做一個善良、大方、樂於助人嘅人。但自從喺你踏入呢個社會，就發現有時候我哋嘅好心反而會被人利用，太過善良嘅人往往最蝕底。 「喂，幫幫手呢？」 「你睇吓可唔可以…」 一旦你對呢個人Yes過一次，答應咗佢一個細小嘅要求之後，往後就更有可能答應對方更大嘅要求，咁你就不自覺跌咗入「登門檻效應」。 當你喺條街，遇到一個肚餓的少年，佢問你有無食物俾佢充飢，你好心俾一碗白飯佢。食到一半，佢同你講得白飯好dry，可唔可以加碟排骨同菜，你又好心應承佢。過咗陣，佢再問你可唔可以施捨$100俾佢傍身，你十五十六，最終卻步。最後，卻換來一句嫌棄：「少少錢都唔肯幫」，就轉身離去。 喺公司，有個同事請你幫個小忙，幫佢執份excel。你覺得係小事就幫咗佢。之後你發現，佢會要求你幫佢執更多嘅屎。 以上情況，同我哋嘅自我認知有關。當我哋答應咗別人嘅小要求，潛意識裡覺得自己係個好人。為咗保持呢種自我認知嘅一致性，我哋就會答應別人更多嘅要求。有時亦唔想令自己顯得前後矛盾，心諗，已經答應咗小事，再拒絕大事會令對方唔開心。正因為有… 待續