執屋 見到老豆(老劉)啲相 有啲感動 因為老劉係一個孤伶伶嘅人 佢依加冇乜朋友 好多時間都留係屋企瞓教教豬 同埋佢都開始年紀大 但啲舊相 見佢明明好重要又亂放一推的相片 發現爸爸以前嘅人生都應該豐富過 咁就為佢有點感動 因為佢四十幾先生我出嚟 我唔知佢以前四十年為人的模樣 我知佢好聰明 但唔識同人相處 加上細個因為屋企事所以好憎依個人 覺得佢好丟我架 但發現 原來舊時嘅佢 好多人鐘意佢 覺得佢好幽默 有人覺得佢做老師依幾十年都係一個好老師 有啲為老劉感到驕傲 都好開心以前嘅佢有咁多人陪過佢 其實佢都精彩過 希望演算法可以帶到比相中的同學仔 多謝你地陪我爸爸的幾年 佢好開心有你地依班學生的 唔知你地依加做梗乜 但如果你見到依張相 希望你可以dm 我update下你地嘅近況 我諗老劉都年紀大 開始記唔到好多事 我想等佢仲有能力去回憶嘅時候 記起你地 佢光輝的時光 多謝 👍🏼