石門10k 2025年首場比賽，唔係早過雞啼嘅聯合國🐔，而係Pegasus石門10k🏃🏻‍♀️。 雖然今場並唔係我嘅最重點賽，不過都有個目標，就係上次天水圍10k跑到51:40之後，希望下一場賽可以做到嘅Sub50🎯。 有問過阿Sir意見，話覺得我Sub50冇問題，好，目標就咁set啦！ 身為緊張大師嘅我，今次唔算勁緊張，因為緊張唔嚟：賽前一日，開始作病🤧，繼而… 嗯… 女人就明，咁嘅情況下根本冇得我緊張，心裡面只係諗：唉，盡做啦！（其實避得開台北馬冇病，等到今次我唔係最重點嘅比賽先嚟病已經好好彩，係需要感恩🙏🏼。） 到比賽朝早，好彩冇發燒（發燒嘅話就直接棄賽了），個人有點混沌，天氣又好凍🥶🥶🥶，咁就出發了🏃🏻‍♀️。 跑落，覺得個人ok，係第1k有少少塞人，其他都跑入Sub50應有嘅5分披內。衝線停錶，知道一定Sub50到，點知原來跑到48:35😲，又PB咗3:05😲😲，10k嚟講幅度應該唔算細（？），又再一次呆咗😲。 雖然個人仲混沌緊，但，好開心繼5k之後，連10k都突破埋5分披嘅關口🥳🥳！ 📸: Henry Yip Photography