唉．．上個月街馬前發燒，跑前先退到燒，預咗冇態🥲諗住努力練上落斜應付今日嘅CCM半馬點知比賽前兩日生蛇🐍😩聽人講生蛇好痛，好彩嘅係我嘅反應唔大，只係痕痕痛痛咁，同埋感覺自己狀態其實幾好（有練就有）😎所以今日都照去跑，去到北潭涌得九度好凍🥶終於開跑，頭2K塞車上大斜路都係用咗6分0幾通過，第三K 5分04，第四、五K4分尾，睇住個平均配速跑，覺得好似進取咗啲，要放番鬆跑驚之後抽筋！53:39通過10 K（平均配速5:21左右）之後折返回程，覺得都大機會可以響呢條出晒名嘅魔鬼賽道做到SUB2🎉之後又係不斷嘅上斜落斜，好快跑到17、18 k對腳已經緊緊哋徘徊抽筋邊緣😨就係呢個位出事喇，不過講埋衝線先，我係有衝過終點嘅！最後一段落大斜路就見到終點，咁快到終點嘅？？過完終點撳停個錶，平均配速5:27，時間1:44:37，19.2公里。 19.2公里？？🧑🏿‍🦱？？乜料？平時跑比賽都係呃幾百米啫！今次爭咁遠？WTF🤬我知喇，我啱啱miss咗個路口所以跑少咗兩K😫人哋街馬跑多9K，我呢個醒目仔CCM跑少兩K。點算，唯有下年再努力啦😭 RunningThreads